კომპანია
შ.პ.ს. „ციფრული ტექნოლოგიები“ 2014 წლის 27 აგვისტოს დაარსდა და აქტიურ ბიზნეს საქმიანობას 2015 წლის ოქტომბრიდან შეუდგა. ამ წლების განმავლობაში კომპანიამ შეძლო დაემსახურებინა მომხმარებლის ნდობა და ასევე გამხდარიყო რეგიონში მსოფლიო დონის 35-ზე მეტი წამყვანი მწარმოებლის სანდო ავტორიზებული პარტნიორი.
„ციფრული ტექნოლოგიები“ დაკომპლექტებულია მაღალკვალიფიციური და გამოცდილი სპეციალისტებით, რომელთა დიდ უმრავლესობას პროფესიონალური რადიო კავშირგაბმულობის, სამხედრო ტექნოლოგიების და უსადენო ქსელური გადაწყვეტების სფეროებში წარმატებული საქმიანობის მრავალწლიანი გამოცდილება გააჩნიათ.
თანამშრომელთა მუდმივი პროფესიულ გადამზადება და აქტიური მონაწილეობა გამოფენებში, კონფერენციებსა თუ სწავლებებში, ჩვენი ბიზნეს საქმიანობის სფეროებში მომხმარებლებისთვის მაღალი ხარისხის მომსახურებების მიწოდების საშუალებას გვაძლევს.
კომპანიის მთავარი მიზანია პროფესიონალური, სამხედრო და სამრეწველო კავშირგაბმულობის სისტემებისა და თანამედროვე ტექნოლოგიური და ქსელური გადაწყვეტილებების მეშვეობით დასახული ამოცანების შესრულების სხვადასხვა ეტაპზე მომხმარებლის სათანადო მხარდაჭერა. სწორედ ამას ემსახურება ჩვენი და ჩვენი პარტნიორების მიერ საქართველოში ორგანიზებული სხვადასხვა ღონისძიება. ჩვენთვის პრიორიტეტია ისეთი პროდუქტის და მომსახურების შექმნა-მიწოდება, რომელიც სახელმწიფო თუ კერძო სტრუქტურებს ყოველდღიური ამოცანების გადაწყვეტაში და დასახული მიზნების მიღწევაში დაეხმარება.
ვებ გვერდის ჩვენი პარტნიორები ნაწილში დაწვრილებით არის წარმოდგენილი ინფორმაცია ჩვენი პარტნიორი კომპანიების და მათი მოღვაწეობის სფეროებს შესახებ. ჩვენ ვამაყობთ, რომ მათი სახით გვყავს ღირსეული და საიმედო პარტნიორები.
